FALINTIL-FDTL: Uluk Luta iha Foho, Agora Luta iha Quartel

Fundasaun Mahein (FM)

1 Febreiru 2011

FALINTIL

FALINTIL iha ai-laran

Loron 1 Febreiru 2011, FALINTIL nakfila ba FALINTIL – Forsa Defesa  Timor Leste (F-FDTL). Ba Jerasaun, FALINTIL lidera luta ba libertasaun Timor Leste. Durante periode ne’e, rihun ba rihun membru FALINTIL lakon nia vida ba luta ukun rasik an nian. Iha momenetu ne’ebe Mundu lahateke ba Timor-Leste nia luta, Maibe FALINTIL kontinua luta to ran nakfakar hodi hanorin nia  Povu  ba to hetan ukun rasik an.

Luta halakon invasaun no hetan vitoria iha tinan 1999 maibe, iha tempu hanesan hahu mos luta foun iga faze foun. Luta foun ida ne’e atu harii nasaun Timor-Leste iha progresu, paz, hakmatek no demokrasia nia laran,  hanesan nasaun ida hodi fo honra ba nia herois sira nia sakrafisiu. Iha luta foun ida ne’e susesor FALINTIL sira, nebe’e agora bolu  F-FDTL,  institusaun ida ne’ebe importante liu ba nasaun iha tempu ba tempu nebe’e laos ona luta iha foho hanesan uluk, maibe agora luta iha sira nia Quartel ka edificiu sira seluk ho profesionalismu, oinsa bele hametin paz, demokrasia no dezemvolvementu.

Luta iha etapa foun ida ne’e difisil liu fali luta hasoru okupasaun/invasor sira. F-FDTL moris husi FALINTIL uluk liu ba Timor-Leste nia restorasaun ukun rasik an nian. Iha momentu neba hamosu batailiun dahuluk ne’ebe mai husi veteranus asuwain funu nain sira, ikus mai hamosu tan batailiun II nebe’e jerasaun foun komesa involve an, ne’e representa future batailiun ba futuru nasaun.  Hanesan storia Timor-Leste kompleks tebes, hanesan problema barak ne’e laresolve iha tempu luta iha ai laran, momentu ne’eba no mos influensia makas mos husi komunidade internasional sira. Hanesan storia Timor- Leste, esperensia barak liu iha luta ba ukun rasik an, depois mos akontese krize no oinsa resolve krize 2006 F-FDTL nia fuan no aten brani kontinua nakloke  ba ema sira oinsa atu harii pas no hakmatek iha Timor-Leste.

FALINTIL-FDTL Ro Funu iha 2010

Maibe luta ba dezemvolvementu sustanebilidade lao nafatin no komesa hare ona mudansas no kontinua hare F-FDTL nia luta iha momentu ida ne’e. Durante iha tempu resistensia funu nain FALINTIL sira luta iha foho, agora sira ne’ebe uluk luta iha foho sai fali ema tasi na’in.  Tasi na’in katak F-FDTL sira sei halo kontrola iha tasi atu hari hakmatek krime aat sira ne’ebe mai husi tasi iha tasi Timor nian, ne’e katak luta sidauk hotu.  F-FDTL sei ajuda saseluk sira ba dala ida tan, ho sira nia servisu no dedikasaun sei ajuda Timor-Leste sai membru ka sidadaun diak no hakmatek iha nia nasaun  rasik.

Ema barak mos mate ba luta ukun rasik an no mos barak mak moris hela. Timor oan sira nunka hanoin atu haluhan ita nia veteranus sira nebe’e luta iha foho sakrifika sira nia an ba Timor-Leste. Fundasaun Mahein kongratula ba rekoinesementu husi governu ba serbisu diak hodi sakrifika sira nia an nebe’e ita nia veteranu sira fo ba nasaun. FM mos fo suporta ba introdusaun pensaun ba veteranu iha momentu ne’e dadaun. FM fiar katak verifikasuan ba veteranu iha dadaun ne’e kontinua hetan progresu diak atu hetan rekoinesementu nasional ba ita nia veteranu iha Timor-Leste.

Aniversariu transformasaun FALINTIL ba  F-FDTL ne’e iha etapa foun iha nassaun foun ho visaun foun sei kontinua hasoru problma /obstaklus barak. Prasas, oficias no komponenti hotu-hotu hanesan feto ho mane kontinua iha F-FDTL luta atu hatur profesionalismu no disiplina as nian iha sira nia dedikasaun iha sira nia kna’ar tomak.

Iha biban ida ne’e Fundasaun Mahein kongratula ba komadante Coronel F-FDTL Sabika Besi Kulit, Coronel F-FDTL Aluk ho Coronel F-FDTL Coliati ba sira nia serbisu ne’e nunka cente kolen iha sira nia luta. Komandante nain tolu ne’e hetan promosaun sei Hamutuk ho  Major Jeneral Taur Matan Ruak, Brigadier Jeneral Lere Anan Timor ho  Coronel F-FDTL Maunana,  Coronel F-FDTL Filomeno Paixao, Coronel F-FDTL Pedro Klamar Fuik, Coronel F-FDTL Falur Rate Laek  ne’e kontinua lidera luta foun ida ne’e iha mahon disiplina aas nian no profesionalismu iha sira nia kna’ar tomak.

Parabens F-FDTL, Viva FALINTIL, Viva F-FDTL.

About these ads

7 Responses

  1. belun keta haluha halo mos seguransa ba tasi okos Ro maritima fdtl nian bele fo deit seguransa ba tasi leten hanesan peskador ilegal sira, keta halo submarinho balun subar hela iha tasi okos neba karik……

  2. ida maka ne , america subar hela sira submarino iha tasi oks neba nem ita nia forsa hare hetan ,maibe faligado maka pescadores ilegal sira.
    devia haruka longuinhos ho polisi sira maka ba tuir pescadores sira , laos fali F-FDTL

    abraxo continua fo noticia

    tio bere ex Falintil ida mos

  3. Timor Rai Tanis Fatin, Maubere nia Fatin, Mate iha Fatin. Halai Bibi-ain, Funu Bain-Bain e Mate mos Bain-Bain, FALINTIL ami prontu mate ho O!!!

  4. ita keta kritika America tamba nia mos mak halo timor ukun an,selafiar karik husu to ba ita nia maun bot Horta ho maun bot Kay rala Xanana

  5. ita keta hatudu ida nia radikalisme,keta halo rahun hanesa Irak
    idepois Sadam ema tara deit

  6. buat sira ne hotu povo mak sofre,idepois kuitado ba povo doben ida ne.
    Timor hau nian ita hotu nian………….
    viva FDTL viva asuaain Falintil.

  7. Parabens ba F-FDTL, ho aniversariu F-FDTL hametin liu tan iha profesionalismu nian hametin pas no estabilidade iha Timor-Leste atu nune’e bele sai nasaun ida forca no progressu hanesan nasaun sira seluk iha mundu rai klaran. Mate ka moris ukun rasik an
    Viva F-FDTL, Viva Timor-Leste, Viva
    Povu Timor
    By: Paulino Ribeiro Estudante
    STIA-LAN Jakarta Indonesia

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 52 other followers

%d bloggers like this: