UNTAS Rende/foti Lima

Hanoin lesuk hosi Fundasaun Mahein

17 Feb. 2011

Ema nebe’e hanoin aat ba nia rain rasik sei la’o lemo-lemo, muda hosi knua ida ba knua seluk iha ema nia rain, ikus mai sira deklara an katak, knua rasik mak diak liu” (Jose Freitas 15 Feb.2011)

Dala ruma liafuan senor Jose nia iha leten ne’e bele prega ba otonomista sira. Muda hosi organizasaun barbarak los hanesan Pemuda Pancasila, PPI, BRTT no ikus mai Uni Timor Asuwain (UNTAS) maibe lacente hakmatek ikus mai sira rekoinece independensia ba Timor-Leste. UNTAS  organizasaun sumbrina nebe’e iha matebian Abilio Osorio Soares nia okos,  ikus nian ne’ebe hari’i hosi Timor oan sira nebe’e pro-Indonezia iha 2000. Iha tinan 2000 halo nia kongresu dahuluk nebe’e hanaran Biti Boot Timoris hamahon an iha United Front for East Timor Autonomy-Front Persatuan Pendukung Otonomi (UNIF). Rezultadu kongresu I, UNTAS hasai nia paltaforma politik katak sei kontinua luta atu lori Timor-Leste hikas ba fali Republika Indonezia.

Tuir Politika estadu Indonezia nia ba Timor-Leste iha mudansa depois Timor-Leste deklara nia restorasaun independensia iha 20 Maiu 2002, ikus mai afeita boot ba UNTAS nia politika. Kongresu UNTAS daruak iha Dezembru 2010 iha Kupang Indonezia, no hili Eurico Guterres eis segundu komandante milisi pro-Indonezia nudar presidente. Rezultadu kongresu ne’e fo sai ba publiku katak UNTAS fo rekoinese pilitikamente ba Timor-Leste nia independensia. Ironiku liu maka iha Timor-Leste laiha media ida mak fosai konaba eventu nebe’e UNTAS deklara sai katak UNTAS rende ba sira nia objective politiku nebe’e fo sai iha kongresu dahuluk nian.

Tamba sa maka UNTAS tengki rende? Dala ruma resposta barak liu. Hahu 2004 familia hosi UNTAS fila ba mai Timor livre. Depois krize 2009 UNTAS nia liders sira  komesa mai visita Timor. Florentino Sarmento ho Norberta Belo hanesan mos ulun boot UNTAS nia  mai hela no servisu tiha ona iha Timor, celebrasaun independencia, loron 28 Novembru 2010 lideransa  UNTAS hanesan Armindo Soares Mariano mos mai asiste celebrasaun loron boot ne’e iha Palaciu Governu, no iha mos familia hosi ulun boot UNTAS mos fila no mai servisu dadaun ona iha Timor.

Razaun saida maka UNTAS muda nia politika no lider politikus UNTAS sira mos fila no balun komesa hela dadaun ona iha Timor? Razaun 1) fasil sira atu halo bisnis no bele kompete ba pozisaun politika iha governu ka partidu.  2) fasil atu hetan osan tamba ekonomikamente Timor-Leste dadaun ne’e diak liu tamba orsanmentu jeral Estadu tinan tinan aumenta makas no biban ba sira bele buka orsan. Rekonciliasaun mos kontinua akontece hosi aspeitu sira nebe’e informal sira ne’e duke ho dalan formal. Ne’e sorin ida.

Sorin seluk,  Eurico Guterres ho milisia nia boot sira seluk nebe’e involve iha krime graves bele fila ka lae? Dala ruma sira sei fila. Razaun ida katak sira mos Timor oan no konstitusaun RDTL fo biban ba sira atu mai hela nudar sidadaun Timor. Razaun seluk, Timor oan sira iha Timor mos haruka mensagem ba sira liu hosi PR Horta nia indultu ba arguidu sira ne’ebe komete krime iha krize 2006. Bazeia ba mensagem PR Horta katak, ita sunu uma no oho deit ema kiik iha 99 ne’e problema laseiru e kompara ho sira nebe’e involve iha krize 2006 ne’ebe oho ulun boot estadu ho governu RDTL hetan liberdade no mos governu RDTL for tan kompensasaun $8000 USD ba sira.  Kleur ka lalais, UNTAS nia ema sira sei no kontinua implementa mensagem Indulto hosi PR Horta atu fila hikas mai Timor.

Timor-Leste nudar nasaun hasoru problema barak tebes. Vitimas iha tinan 75, 99,  ho vitima krize 2006 no kontinua halerik ba justica, no nafatin sai isu nebe’e nonok maibe  tensaun. Seluk fali kazu kompensasaun ba veteranu, violencia social, korupsaun ne’ebe kontinua habokur nomeiru kiak. Buat sira ne’e hotu  afaita makas ba seitor siguransa iha Timor-Leste kontinua sai frajeil.

Nasaun foun maibe kontinua deut malu ho problema tuan, karik eis milisia ho lideres Pro-Indonezia fila hotu mai Timor-Leste sai rezulta problema hadau malu rai ho propredades, e mos aumenta tan dezempregu, ne’e parte ida, parte seluk, ho problema hirak ne’e tratamentu hosi governu sei la justu, maka sei hamosu klase riku ho kiak iha Timor-Leste makas tebtebes.

Hosi lidun ida, problem sira ne’e mos bele kria tan problma foun. Problema odiu malu ho vitima ho pro-otonimista sira nebe’e filla, ne’e sei involve familias sira iha distritus, sub-distritus, sukus ka aldeas bele rezulta komfrontasaun fizukas, depois estadu Timor-Leste laiha biban atu resolve diak, maka sei estraga kridibilidade estadu ho governu Timor-Leste.

Hosi UNTAS nia rekoinecementu ba Independencia Timor-Leste iha kongresu daruak ne’e hatudu katak sira prontu atu fila. Prosesu rekonciliasaun sei lao hosi familia ba familia.  Sinal diak ba Timor oan sira Hamutuk ida deit. Tensaun permanente ba pro-kontra Independensia bele minimize no biban atu lao ba dalan solusaun permanente. Depois hadia dadaun ona traumatiku hosi invasaun Indonezia bele rekopera, ne’e hatudu katak sinal ba Timor ida deit. Maibe karik ne’e labiban atu halo maka komfliku Timor entre Timor oan sira nunka hotu.

Fila ba Timor oan sira iha rai laran. Oinsa bele prontu simu Timor oan sira nebe’e mak atu fila ne’e ka lae? Se karik fila duni Estadu ho Governu Timor-Leste nia sei foti decisaun, e decisaun ne’e sei persizu vitima ka veteranu sira nia participasaun ka lae? Perguntas sira ne’ebe Fundasaun Mahein tenta soe ba leitor sira, oinsa bele provoka hanoin lesuk hodi buka solusaun ka responstas ba perguntas problematiku sira ne’e.

11 Responses

  1. Nu’udar sidadaun Timoroan ne’ebe hela iha rai laran, ba ha’u laiha problema se sira hakarak fila-mai Timor tanba sira mos Timoroan hanesan ita hotu. Ita halo dialogu barbarak, kampana barbarak atu konvense sira atu fila-fali mai hodi nune’e Timoroan sai ida-de’it hodi lori ita-nia nasaun foun ne’e ba oin. Maibe itamos labele taka matan katak hirak ne’ebe involve-an iha krime iha obrigasaun atu ba hatan iha Tribunal. Ha’u so la simu liu, bainhira ha’u haree notisia balun dehan katak Grupu balun hosi ita-nia maluk sira ne’e hakarak lori tama fali ema ne’ebe uluk bobar ita, invade ida, oho ita durante 24 anus nia laran. Se bainhira buat ne’e maka sai los duni, ida ne’e sei sai preukupasaun boot ba ita sira ne’ebe hela iha Timor atu simu fali sira tanba sira ne’e sai traidor ba dala barak. Di’ak liu duni sai traidor sira ne’e hosi ita-nia nasaun soberanu ida ne’e. Abrasus

    • tuir hau nia hare se deit nudar Timor oan nia iha Direitu ba nia rai rasik.ita nia lei mos konkorda ho ida ne’e, hare fali ba maluk sira nebe agora dadauk iha Indonesia buat balun mak sira tenki liu mak interese politico atu sobu fali soberanu nasaun ida nian no bele mos hatun Dignidade nasaun Timor Leste nebe ukun an ona no laos tan hetan ukun husi nasaun ida hanesan Indonesia. antaun se karik sira hakarak fila mak tenki liu husi prosesu Judicial nebe vigora ita nia rai. no buat balun ita hotu tenki kaer mak UNIDADE NATIONAL atu nune’e sira labele lori sira nia hanoin atu sobu ita nia SOBERANU RDTL.

  2. ba hau ita lalika hanoin uluk ema sira nebe uluk la kohi ukun an atu fila mai servisu iha timor maibe ita tenke hanoin uluk lai ita nia ema sira nebe uluk hodi pregu tu’u ba indefendencia no servisu luta ba liberdade ida ne’e maibe to’o oras ne’e seidauk hare liberdade mak hanesan nebe..! ne’e mak ita tenke tau matan uluk sa tan balun uluk oho ita nia maluk sira maibe agr mai servisu libre hela hodi passaporte Indonesia ne’e mos tenke hare e hau husu ba kolega sira nebe uluk luta ba ukun an ida ne’e mai ita hamutuk para bele deskobre ema sira nebe uluk oho ita nia maluk maibe agora sira goza hela no moris hela iha ran no ruin leten

  3. Hau hanesan ema timor oan nebe maka husi hau nia avo sira to hau agora, hau ran fakar iha ne’e, hau boe boot quando hau koalia iha ema seluk nia rai, coitado boot ba ema opurtunista sira, liu liu sira otonomista sira at liu sira nebe maka milisi, agora ema Indonesia sira hare sira ladiak ona la fo ona osan ( Bantuan ) ona sira comesa halo propaganda oin oin hakarak atu hodi fali Timor Leste ba Indonesia, imi hodi imi nia fen ho familia deit mos labele ona, imi hakarak atu hodi fali Timor ba Indonesia Hoi Untas Milisi sira lalika nakdedar demais imi lakon ona funu, hare buka osan para hodi hola sabao ho pasta dentes tamba ami liu ba atambua ne, ami hare imi nia oan komesa la haris ona e la kosenehan ona dois hanesan imi, Untas oan sira nebe maka agora iha Timor nebe maka agora sai boot, husu ba imi para cuidado an para atu halai fila fali ba indonesia se situasao maka hanesan ne’e nafatin deit diak!!! selae ami tau kilat iha imi kidun kuak ne ok
    Hau hare Gil Alves fo projecto fos ba Ablio osorio nia fena maka manan e fo Mos ba Danial batista nain oan mane ida agora iha Timor ne, e agora ne’e Quito osorio nian oan sira maka semo ba mai iha Timor larang ne’e maibe seidauk to tempo, Hau hakarak atu hatete deit katak uluk imi hatete dehan se Timor ukun an karik ami sei han fatuk ho maun boot xanana nia te, agora imi mai tabele fali ba maun xanana, dasaaaaaaar tidak tahu diri

  4. Tuir hanu nia hare Dalaruma que liafuan balu nebe mak hakerek iha leten, mai hau privadu komik teb2s… tamba seda?
    Untas ita kunhese nudar herois, maibe tuir hau nia hare UNTAS ne merese ita tau nia naran Herois dos Traidor..

    Povu Timor nia matan sei la Taka hodi hare realidade. nebe keta mehi..

  5. Buat nebe akontese ne nudar dalan ida ba ita hotu atu hetan vitoria labele uja ida ne hodi nega ita nia maluk timor oan sira seluk,,maske buat barak akontese ne kondicao mak haruka,,,tan ida ne hu husu ba ita hotu atu respeito biti boot nebe mak realija ona iha tinan hira liu ba, ema ida atu hetan presepsi positif husi nia maluk seluk katak nia timor oan sejati mak nia tengki hatudu nia respeito ba nia maluk timor oan liu liu nai ulun no lei nebe mak legal iha rai doben timor,entertanto biti boot nebe mak halo ona.obrigado hu nia lia menon ba ita hotu ema timor katak nudar jjoven hu hakarak kolabora hadia rai timor. LAOS ITA SE TAN,LAOS AGORA BAIN HIRA TAN.

  6. Maluk sira, ha’u hakarak sujere buat balun iha ne’e maibe ha’u habadak deit katak Nasaun atu la’o ba oin Justisa tenke forte, bainhira ema komete Krime Grave la lori ba Tribunal Nasional ka Internasional sei lori konflitu boot iha nasaun laran. Krime 1999 ne’e Grave la’os la grave lae??Se la grave ne’e ita hanoin sala ona…lalika kahur JUSTISA ho interese politika??Ema ne’e komete krime Grave 1999 tenke hatan iha Tribunal mak Nasaun bele hakmatek se lae konflitu sei la ha rohan…!!!Ita nia maluk sira iha TO bele fila mai TL maibe hirak ne’ebe halo krime tenke responsabiliza individual ka Grupu.

    TL

  7. UNTAS lalika bosok tun saen,…uluk imi luta ba bapak sira,..agora ukun an tiha imi mak ukun fali Timor. Imi nia moe la iha, ohin loron Timor ukun an imi nia ema sira mak ukun fali Timor no ohin loron ukun Timor lahun la dikin tanba matebian sira uluk mate ba Rai ida nee,..la fo imi ukun no babeur imi mak ohin loron sira obriga an ukun halo buat ida la la’o tanba matebian sira la fo dalan sira ukun rain nee. Hanesan nee diak liu duni sai sira husi Timor tanba sira uluk traidor ba rai doben Timor Leste. VIVA POVU MAUBERE, VIVA FRETILIN, VIVA NACAO RDTL.

  8. timoroan hotu presija moris iha “guarda ida mak laseluk la le’et mesak timor oan deit”. hau concorda wainhira ita ninian maluk eis milisia ka auotnomista sira fila fali mai timor ne pasu diak ida ba ita ninian kredibilidade nuda’ar timor oan.

    maibe timor leste ohin loron moris ona nuda’ar nasaun soberanu nebe’e konsidera nuda’ar rechtstaa(lian olanda)katak estado de direitu ka lian indonezia dehan negara hukum. tamba ne’e hau konkorda se maluk pro auotnomista sira fila maibe se mak uluk envolve a’an iha aktus krime tenki prosesa tuir lei nebe’e vigora iha timor leste para que nune’e bele eleva estado do direitu e outra parte para as bens da parte judiciaria timor ense. fila mai ba maibe tenki prosesa tuir lei!!!!!!!!!!!!!!!!!!!!!!!!!!!!

  9. Ita kongratula politika rekonsiliasaun husi estadu Timor Leste, nebe rekonsilia fila fali Timor oan nudar faktus historiku ba komunidade internasional iha historia Timor Leste. Maibe ita labele subar asaun 1975-1999 iha politika rekonsiliasaun nia laran. Iha polika rekonsiliasaun nia laran estadu komesa tenta hodi halo ignoransia ba istoria, ho nune fo dalan foun ba etratejia UNTAS hodi haruka nia membru (eis pro integrasaun) infiltra tama iha nivel sosiadade hotu. Faktus husi infiltrasaun hatudu momos mai ita, karik ida ne’e nudar lidun ida ba misaun UNTAS nian hodi dezafia prosesu Nation Building. Misaun atu dezafia proseu Nation Building ita bele hare iha plataforma segundu kongresu UNTAS nian katak kria instabilidade ba prosesu dezenvolvimentu Timor Leste karik realidade mak instabilidade ba dezenvolvimentu setor edukasaun iha sistema agonia nia laran seidauk tan problema presu unitariu ba sasan nesesidade baziku no problema seluk iha dezenvolvimentu ekonomiku Timor Leste. Sera que ida ne’e nudar konspirasaun politika UNTAS nian? Lia los sei esplika iha tempu ruma!

  10. UKUN AN ONA MAI ITA HAMOTUK ATU FOTI ITA NIA RAI
    TIMOR LESTE, HEIN HELA IMI AMI HO ITA HOTU .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: