Mahein Nia Lian No 19: Potensial Ameasa ba Seguransa Antes Eleisaun 2012

28 April 2011

Iha Mahein nia Lian No 19 (.pdf) ne’e koko koalia lisuk konaba asuntu ne’ebe sai nudar potensial boot ba ameasa seguransa antes Eleisaun 2012. Tuir FM nia monitoring katak durante periodu eleisaun Prezidensial no Lejislasaun, publiku iha Timor-Leste sempre asiste problema ne’ebe hakanek malu, oho malu, sunu uma populasaun, uma estadu entre militante no simpatizante partidu politiku sira. Hanesan esperensia todan ida iha eleisaun 2007, ne’ebe akontese iha Distritu Baucau, Viqueque, Dili no Ermera.

Ho esperensia hirak ne’e, FM husu atu antisipasaun husi komponente tomak iha nasaun ida ne’e atu bele hases an husi konflitu ne’ebe hanesan iha futuru oin mai. Tanba tuir FM nia hare’e katak situasaun atu tama ba eleisaun 2012 iha indikasaun ne’ebe forte katak sei mosu ameasa ne’ebe seriu ba prosesu demokratizasaun iha Timor-Leste. Esperensia eleisaun 2007, sai nudar indikador ida ba povu Timor-Leste no sira fiar katak prosesu eleisaun ne’ebe rezulta konflitus ne’ebe konsege halakon ema nia vida iha komunidade nia leet. No, iha relatoiu FM ne’e mos koalia katak situasaun sosial no seguransa antes tama ba eleisaun karik sei mosu krizi ne’ebe seriu iha nasaun ida ne’e. Tanba ne’e, persiza iha perparasaun ne’ebe sufisiente hodi trasa planu ne’ebe naton atu nune’e bele antisipa akontesementu hirak ne’ebe mensiona iha leten.

Iha relatorio FM ne’e mos esplika katak eleisaun 2012 besik dadaun maibe seidauk bele dehan katak situasaun estavel (livre, Paz, Demokrasi), tanba wainhira tensaun ka ameasa forte hasoru povu ne’ebe labele hapara maka otomatikamente sei la akontese eleisaun ho embiente ne’ebe saudavel, no sei la tuir esperansa ema tomak nian.

Ho ida ne’e, FM rekomenda katak atu halo manajementu ba potensial konflitu, primeiru komponente husi instituisaun tomak iha nasaun ida ne’e tenki hari’i konsensus nasional ida hodi bele antisipa konflitus ne’ebe sei mosu. Konsensus ne’e persiza akumula mos Comisaun Nasional Eleitoral (CNE), governu, Parlamentu Nasional, Partidu Politikus sira, F-FDTL, PNTL no Tribunal inklui lian nain sira, NGO, Igreja, Media no Akademiku sira.

Husu mos ba lideransa partidu politikus sira no komponente nasaun tomak atu fo edukasaun sivika ba komunidade tomak atu nune’e bele iha sentimentu nasionalizmu ida ne’ebe forte atu kria paz iha festa demokrasia.FM mos husu atu hases an husi kompetisaun elit politikus ne’ebe la saudavel (exploitasaun problema politika, ekonomia, sosial budaya no siguransa), hanesan characteristic assassination /oho karakterizasaun, hala’o movimentu massa ne’ebe laiha kontrolasaun no seluk-seluk tan.

PNTL tenki aumenta stratejia atua konflitus ho metodu-metodu ne’ebe adekuadu atu nune’e labele hamosu instabilidade Nasional. Ikus liu, FM husu ba instituisaun PNTL hodi aumenta sigurasa no aumenta membru PNTL ho objetivu atu antisipa mosu konflitu espesialmente iha area ne’ebe fasil akontese koflitus hanesan Dili, Likisa, Ermera, Baucau, Lospalos no Viqueque.

Atu hatene klean liu konaba asuntu ne’e bele kontaktu.

Nélson Belo,

Direktor Fundasaun Mahein

Web: http://www.fundasaunmahein.wordpress.com

Email: direktor.mahein@gmail.com

Tlp: +670 737 4222

One Response

  1. Konkorda no FM ninia rekomensaun rasoavel realistiku tuir dinamika politika iha rai laran relasaun ho eleisaun. Los duni presija atu halo manajementu ba potensial konflitu, so ke problema no konflitus ne’ebe mak mosu, antes, durante no depois eleisaun ne’e sai problema klasiku ida iha nasaun ne’ebe deit kuandu iha periodu eleisaun, referensia barak husi nasaun foin dezenvolvidu sira ate nasaun avanzadu sira mos. Exemplu ida husi Timor-Leste, FM ninia rekomendasaun Konsesus nasional ne’e diak maibe iha pasadu hatudu katak, organisasaun ka institusaun ne’ebe sai jogador iha eleisaun ne’e asina Akordu Paktu Unidade Nasional desde iha 2002, Iha kampu demokrasia no iha 2007 iha Hotel Timor, mais saida mak akontese iha 2007, antes, duranre no depois eleisaun mak violensia no krimi komunal. Hau ata ninia prekupasuan ne’ebe boot liu mak seguransa ba aihan “Security of Food Supplies” se assuntu ida ne’e mak laiha politika serteza atu rezelvo mak sei sai Machine/Makina atu hamusu konflitu seluk iha “Overnight” tamba problema siguranza aihan iha Timor-Leste sai prekupasuan boot tebes iha Timor-Leste no fasil tebes atu polaritiza .

    “Leadership and political polarization in Timor-Leste, it challenging to prevent objectively about the political, social and economic situation at the present time since there is a tendency to associate all issues with ‘politics’ and the ‘leaders’ of each party. This is because many people perceive the current political dynamics to continue to reflect the polarization between political parties and leadership figures that appeared in 1975 and persisted through the period of resistance and occupation and into the independence period”.

    Iha nasaun ne’ebe deit, prekupasaun mais urjenti ba povu mak aihan, edukasaun, be’e mos, saude, Estrada, se politika istadu la resolve ejisensia nesesidade baziku povu nian antaun bele hamosu hanoin tamba sa mak povu tuir eleisaun hodi hili ninia representante? Kuandu representate ladun iha sentidu servi povu, hanoin hanesan ne’e bele iha, ne’e make ma dehan “Politics and citizen apathy” Apatia politika, tamba sira hili sira nia representante mos hanesan deit, tamba povu ladun sinte iha kanal komunikasaun sufisienti no propriu atu hato’o sira nia prekupasaun ba nesesidade baziku ne’ebe urjenti ba sira atu hetan atendementu urjenti mos husi istadu tamba laiha mekanismu kanal atu expresa ninia hanoin iha publiku, ba ita sira ne’ebe iha aksesu ba internet no bele visita oficiais estadu nian diak tamba it abele hato’o ba direitamente, maibe kuitadu inan, aman ne’ebe hela iha area rurais ne’ebe laiha asesu Estrada sa tan komunikasaun seluk. Factor hirak ida ne’e bele sai hanesan indikador ida falta akauntabilidade politika and povu bele baruk tuir eleisaun tamba sira iha Apatia politika, esperinsia Timor-leste hatudu ona, katak desde eleisaun presidensial no parlamentar iha 2002 -2007 taxa/partisipasaun povu iha loron eleisaun atu fo sira nia votu ne’e tu’un ba bebeik, ida ne’e bele sai indikasaun ida ba eleisaun 2012 katak partisipasaun povu iha loron eleisaun atu fo sira nia votu ne’e bele tu’u liu tan se ita kompara ba 2007. Hau konkorda ho rekomendasaun husi FM atu haklean tan edukasaun civika no sidadania mais ida ne’e sei lato’o nafatin kuandu laiha asaun konkritu husi estadu atu fo solusaun ba nesesidade bziku hirak ne’ebe mak hau temi iha leten….abraco!

    Karlito Nunes

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: