Konsellu da Diresaun

Logo-FM-(for-internet-3cmX3cm)Jose Luis de Oliveira: moris iha distritu Baucau agora hela iha Dili. iha tinan 1989 hetan bolsu-estudu husi governu Indoneziu hodi ba kontinua estuda kona-ba Turismu iha Akademi Pariwisata Indonesia iha Jogjakarta.  Iha tinan1996 Jose Luis involve an hodi harii Fundasaun HAK (ONG ba Direitu Umanus). Iha tinan 1997, partisipa hodi harii FOKUPERS (ONG servisu ba promove direitu feto). Iha tinan 1999, partisipa hodi harii Posko Bantuan Kemanusiaan untuk IDP’s nebe servisu hodi atende ajudu umanitaria ba refujiadu nebe mosu tamba asaun teror husi milisia pro-Indonesia, no sai koordenador husi Marsu – Setembru 1999. Iha tinan 2000, partisipa hodi harii Grupu Trabalho ONG ba Edukasaun Sivika Nasional sai mos kordenador nasional to 2001. Iha tinan 2004 hetan nomeasaun husi Presidenti da Republika (Xanana Gusmao) hodi sai membru CNE ba Eleisaun Xefe Suku (2004 – 2005). Iha tinan 2008, hetan nomeasaun husi Presidenti da Republika (Ramos Horta) hodi sai membru Konsellu Administrasaun Radio Televizaun Timor-Leste (RTTL). Iha tinan hanesan mos halo servisu nudar Konselleiru ba programa WeCo (Women Community), iha Rede Feto (2008), nebe ajuda organiza aktividadi umanitari no reintegrasaun feto sira iha kampu-deslokadus (IDP’s) ho bairo sira iha Dili. Duranti ne’e Jose Luis mos  hetan formasaun internasional iha Indonezia, Australia. Amerika, no rai seluk seluk tan. Nia mos sai orador nasional ho internasional iha asia, America, Australia e rai barak. Hosi konsekonsia Luta ba Ukun An, Jose Luis mos hetan dadur iha iha Jakarta (Novembru 1991 – Marsu 1992). Hahu 1 Janeiru – 31 Marsu 2009 to agora, nudar membru Committee Executive HAK ho portfolio asuntu Capacity Building no Peace Buiding. Nia mos halo kna’ar hanesan membru Konsellu Administrasaun Radio Televizaun Timor-Leste (RTTL). Nia email lurumata[at]gmail.com, telemovel: + 670 723 7170.

Maria Angelina Lopes Sarmento: Agora daudaun nia servico hanesan menbru (Comisaun National Elisaun, CNE, hosi 2007-2013). Graduadu hosi (UNTIM) Agronomy department, Fakuldade Agrikultura (1995-2002).  Maria Angelina sai nudar membru aktivu Dewan Solidaritas Mahasiswa Timor Leste iha 1998 no membru fundador ba organizasaun Feto naran Grupo Feto Foinsa Timor Lorosae (GFFTL) iha tinan 1998 nebe iha tempo neba organiza konferensia ba dala uluk kona ba “Lalaok Feto Timor Leste” hodi lori feto Timor Leste tomak liu-liu vitima sira mai partisipa iha konferensia ne’e inklui aktivista Internasional sira. Iha 2001 hari organizasaun ida naran Kdadalak Sulimutuk Institute (KSI) no iha tinan 2005 – 2008 sai nudar Direktora ba NGO Forum Timor Leste.Maria Angelina tuir treunu international barak los iha Filipina, Indonezia, Australia, America.Hosi 2008 – 2010, servico part time ba Liaison Officer for HIVOS (Humanist Institute for Development Cooperation – Dutch NGO). Bele kontaktu nia liu email Kiukaikik[at]yahoo.com no telemovel +670 724 0107.

Paula Rodrigues:  konhesimentu ba Estudantes nivel Sekundariu iha kapital Díli konaba papel Media, o konhesimnetu konaba papel Media ba grupu joven nebe organiza husi IR, Iba Jurnalista Radiu Televisaun Timor Leste durante semana 3. Fo treinamentu ba jurnalistas Radiu Komunidade Liquiça,  Jurnalistas Radiu komunidade Suai, Maliana, Aileu no Same durante loron 3 iha Sub-Distritu Maubesi, Radiu Komunidade Baucau, Lospalos, Viqueque, Kolelemai no korespondente media sira iha Baucau durante loron 2 iha Uma Media Regional Baucau. Fo kursu jurnalizmu ba Estudantes UNPAZ hodi hari Buletin Akademiku 2008 ( oras ne’e UNPAZ produz ona edisaun ba dalima). Fo kursu jurnalizmu ba estudantes UNTL hodi hari Radiu Akademika nebe hahu Broadcasting  iha 15 de Setembru 2008 ho Frekuensia 90.00 FM no produs Jornal  Akademika. Horas ne’e akompanha nafatin estudantes iha UNTL. Fo treinamentu ba estudantes no profesores eskola sekundaria sira konaba jurnalizmu basiku. Fo treinamentu ba ekipa estudantes Atauru konaba jurnalizmu basiku iha ICFJ iha Dezembru de 2008. Bele kontaktu nia liu email nenecula[at]yahoo.com no telemovel +670 736 4209.

Silverio Pinto Baptista: Senhor Silverio graduado iha Universidade Indonezia (UI) Fakuldade Lei nian, iha tinan 1997. Silverio mos tuir movementu luta ba ukun rasik an durante tempu Indonezia nia okupasaun. Iha 2003-2007 hanesan advogadu iha Fundasaun Hak e nia mos adjuntu Direktor Hak 2005-agora hanesan Adjuntu ba Provadoria Dereitu Humanus Timor-Leste. Nia mos sai hanesan orador ba eventu internasional iha workshop ka seminariu barak. Bele kontaktu nia liu email pinto_b20[at]yahoo.com no telemovel +670 744 2020.

Virgelio Da Silva Guterres (Jil):  Graduadu hosi Institut Siensa Teknolojia Nasional (ISTN) iha Jakarta Indonezia iha tinan 1996. Nia mos participa iha luta ba Timor nia ukun an. Iha 1990 nia assume hanesan vice sekretariu RENETIL iha Malang, 1995 hanesan Sekretariu Komite permanente RENETIL, iha 1998 Chefe Redasaun revista Seminal TALITAKUM, iha 2001 nia hanesan Presidente ba Asociasaun Journalista Timor-Leste AJTL , 2003 nia mos sai hanesan Presidente Konselhu Administrativu Radio Telvizaun Timor-Leste RRTL. Konsekuansia ba nia luta ba Ukun Rasik An, nia mos hetan kastigu iha Kadeia Cipinan hahu hosi 1991-1994. iha 2006 to agora nia sai hanesan Prorama konsileiru ba NGO nasional Fundasaun Haburas. E nia mos agora sai hanesan Portavos ba eis membru resistencia nasional. Atu hetan kontaktu nia bele ba e-mail: lamukan[at]yahoo.com.au, telemovel: +670 733 6464

Edward Rees (Asesór): Rees hala’o ona knaar iha Embaixada Kanadianu nian iha Washington D.C., Komisaun Konjunta Espesiál ba Polítika Defeza nian (Kámara/Senadu Kanadianu nian), IISS (Institutu Internasionál ba Estudu Estratéjiku sira, Londres), OSCE (Organizasaun ba Seguransa no Kooperasaun iha Europa) iha Bóznia, UNDP (Programa Nasoens Unidas nian ba Dezenvolvimentu) – Gabinete Primeiru Ministru nian iha Kozovu, no mós iha Gabinete Sub-Sekretáriu Jerál ba Operasaun sira Manutensaun Pás nian (Seksaun Prátika sira ne’eb’e Diakliu; Best Practices Section) iha kuartél-jenerál ONU nian, Nova Iorke. Iha Timor-Leste Rees serbisu nu’udár Diretór Rejionál ba Peace Dividend Trust, Asesór Polítika ba Enviadu Espesial SJONU (Sekretáriu-Jerál Nasoens Unidas) nian Ian Martin durante Krize tinan 2006, no subsekuente Komisaun Inkéritu OHCHR nian.  Rees serbisu ona nu’udár Ofisiál Polítiku nian ida iha UNTAET, no halao Timor-Leste nia programa reforma sektór seguransa ba dalauluk ho Institutu Nasionál Demokrátiku. Rees hala’o ona knaar hanesan asesór ba Amnestia Internasionál, Departamentu Estadu EU nian (the US State Department), Peskiza Kilat Kiik nian (the Small Arms Survey), Grupu Krize Internasionál (the International Crisis Group), no mós Sentru ba Kontrolu Demokrátiku ba Forsas Armadas (the Centre for the Democratic Control of Armed Forces) nian. Nia nu’udár Asosiadu ida husi Ekipa Asesór Internasionál Sektór Seguransa (International Security Sector Advisory Team); ISSAT ne’ebé bazeia iha Jenebra.  Atu hetan kontaktu nia bele ba e-mail: rees.edward[at]gmail.com, telemovel: +670 735 1078 ho +62 818 558 938.

%d bloggers like this: