Resposta hosi Fundasaun Mahein bá Relatóriu hosi Sekretáriu Jerál kona-bá UNMIT ho data 25 Janeiru 2011.

Komentariu Fundasaun Mahein 10 Janeiru 2011

Resposta hosi Fundasaun Mahein bá Relatóriu hosi Sekretáriu Jerál kona-bá Misaun Integrada Nasoens Unidas ho data 25 Janeiru 2011.

Fundasaun Mahein (FM) simu Sekretáriu Jerál-nia Relatóriu kona-bá Misaun Integrada Nasoens Unidas iha Timór-Leste ho data 25 Janeiru 2011.  Ami apresia ninian kandór espesialmente kona-bá asuntu-sira relasionadu ho justisa, direitus umanus, no estadu direitu. Ami enkorrajadu atu haree katak UNMIT hetook responsive bá nesesidade no preokupasaun oioin hosi ema Timorénse-sira no katak sentimentu nuudár na’in (ownership) iha prosesu reforma seguransa ne’e hetook aas.

Maiské nune’e ami fiar katak iha buat barak no nesesidade oioin tan mak presiza atu halo hodi nune’e bele eleva partisipasaun no sentimentu nuudár na’in kona-bá asuntu-sira relasionadu setór seguransa, asuntu-hirak ne’ebé krusiál bá Timór-Leste-nia futuru.

1. Língua

Iha ami-nia komentáriu iha-kraik ne’e, ami publika parágrafu relevante hosi Sekretáriu Jerál-nia relatóriu atu tulun fó naroman bá ami-nia maluk Timorense-sira.

Maiské membru lubuk ida hosi Konsellu Ministru mak bele lee iha lian Inglez, barak mak la-bele.  Nune’e-mós pesoál barak hosi Ministériu/Sekretariadu Defeza no Seguransa la-bele lee iha lian Inglez. Membru Parlamentu barak mak la-bele lee iha lian Inglez. Buat hanesan mós aplika bá komandante sira iha PNTL, F-FDTL no servisu oioin kona-bá seguransa nian.  Adisionálmente, maiória sosiedade sivíl Timorénse inkluzive grupu feto, monitor anti-korrupsaun, Provedoria de Dereitus Humanu no mídia Timorénse la-bele lee relatóriu ida-ne’e. Tan-ne’e, relatóriu hanesan ne’e mai hosi elite estreanjeira bá elite estranjeira sira ho absorsaun ho nível mínimu iha elite Timorénse nian.

ONU iha karta ida atu defende no promove ONU-nia Deklarasaun Universál Direitus Umanus no buat-barak hosi relatóriu ne’e relasiona ho asuntu ne’e no tópiku seluk oioin ne’ebé diretu no indiretu.

Relatóriu ida-ne’e aproximadamente uza liafuan to’o 9.800 ne’ebé tuir taxa merkadu iha Timór-Leste sei presiza aproximadamente $1.000 atu traduz.  Ho orsamentu anuál liu millaun 200 dólar amerikanu tintinan UNMIT iha pozisaun finanseiru di’ak atu traduz dokumentu hanesan ne’e ho fásil.  Karik nune’e nia sei :

1.  Indika katak nia sériu liu atu involve komunidade Timorénse ein jerál;

2.  Sei fornese asesu bá informasaun ne’ebé boot-liu; no

3.  Sei habiban debate dinámika ho nível ne’ebé boot-liu kona-bá situasaun iha Timór-Leste hosi ema Timorénse no bá ema Timorénse.

Iha FM-nia komentáriu iha-kraik ne’e, ami publika parágrafu relevante hosi Sekretáriu Jerál-nia relatóriu atu ilumina ami-nia maluk-sira Timorénse.

2. Sertifikasaun (Pará 62)

Fundasaun Mahein simu no iha preokupasaun hosi Sekretáriu Jerál relasiona ho sertifikasaun bá ofisiál polísia hamutuk na’in 52 ne’ebé hetan akuzasaun dixiplinária séria no kriminál. Ami fiar katak dezisaun ida-ne’e sériamente diminui esforsu atu harii servisu polisiál ida ne’ebé profisionál, dixiplinadu no apartidária iha Timór-Leste, estraga estadu direitu no sei hamihis konfiansa públiku iha polísia.

Parte Relevante hosi Relatóriu

62. Governu-nia desizaun atu finálmente sertifika ofisiál polísia na’in 52 ne’ebé hetan alegasaun dixiplinária sériu no kriminál ne’e sai hanesan preokupasaun ida no kontra espíritu akordu suplementár iha 2006 kona-bá polísiamentu. Maibé governu haktuir ona katak iha naran sirkumstánsia ida ofisiál-sira ne’e sei hetan ezensaun hosi prosedimentu kriminál no dixiplinár tuir-mai. Hanesan ha’u-nia reprezentante halo ona, ha’u husu autoridade Governu no judisiáriu atu hola medida hothotu ne’ebé nesesária atu garanti integridade hosi polísia nasionál. (Hosi SJ-nia Relatóriu)

3. Revizaun bá Setór Seguransa (Pará 30, 31)

Fundasaun Mahein simu redusaun iha énfaze hosi ONU kona-bá Revizaun bá Setór Seguransa. Hamutuk ho komentadór-sira seluk, FM fiar katak projetu ida-ne’e polítikamente la viável ona no katak ONU agora presiza fó-biban bá governu Timorénse atu lidera inisiativa oioin kona-bá setór seguransa.

Parte Relevante hosi Relatóriu

30. Hanesan nota ona iha ha’u-nia relatóriu uluk, Governu halo ona progresu notável iha dezenvolvimentu setór lejislativu ne’ebé integradu no enkuadramentu polítika bá setór seguransa (S/2010/522, pará. 29) no, durante prosesu ida-ne’e, responde ona bá buat barak hosi element-hirak ne’ebé identifika ona ante-projetu revizaun abranjénte bá setór seguransa. Maiské promulga ona lei oioin kona-bá seguransa nasionál, defeza nasionál no seguransa intérna iha Abríl 2010 (haree S/2010/522, pará. 29), sei presiza tan lejislasaun, regulamentu no polítika subsidiária oioin. Sekretáriu Estadu bá Seguranda indika ona iha audiénsia parlamentár 26 Novembru katak proposta orsamentu jerál estadu refere bá estabelesimentu mekanizmu no prosesu oioin ne’ebé relevante. Ante-projetu hosi polítika seguransa nasionál, ne’ebé sei kompleta lei oioin ne’ebé temi ona iha-leten no ho kombinasaun ho lei-hirak ne’e sei fornese enkuadramentu ida jerál  bá setór seguransa, foin lalais ne’e haruka fali bá Sekretariadu Estadu Seguransa atu halo revizaun hafoin hetan revizaun hosi Konsellu Ministru (haree S/2010/522, pará. 29).

31. Finalizasaun bá ante-projetu dokumentu kona-bá revizaun kompleta bá setór seguransa hetan ona atrazu. Foin lalais ne’e, Governu no Gabinete Prezidénsia revee dokumentu ne’e, iha konsulta ho UNMIT. Maiské haree bá susar atu finaliza dokumentu ne’e iha futuru ne’ebé besik, buat barak ho element-hirak ne’ebé idenfikadu ona iha ante-projetu hosi dokumentu ne’e hetan ona atuasaun, hanesan nota ona iha-leten (haree pará. 30), no, bainhira finaliza ona, nia sei sai hanesan dokumentu referénsia ida ne’ebé útil. (Hosi SJ-nia Relatóriu)

4. Transferénsia Responsabilidade Polísiamentu (Pará 55)

Maiské ami simu faktu katak governu Timorénse sei iha ownership konjunta hosi prosesu transferénsia, ami lamenta ho faktu katak UNMIT no governu la iha konkordánsia kona-bá reprezentasaun ne’ebé luan-liu kona-bá Komité Altu Nível bá Tranzisaun. Maiské ami simu katak governu ohin-loron ne’e eleitu ona ho lejítimu no justu, ami mós fiar katak asuntu-hirak hanesan-ne’e importante tebes bá paíz ida-ne’e, no tan-ne’e, tenke iha konkordánsia no konsénsu kona-bá transferénsia hosi komunidade-nia leet.

Ema barak hatene katak problema barak relasiona ho setór seguransa mosu tan governu Timorénse la halo konsulta ho ema barak no la hetan konsénsu ne’ebé boot molok halo desizaun ruma iha asuntu-sira importante tebes bá setór seguransa.  Fundasaun Mahein fiar katak nesesáriu atu tuka ho buat-hanesan ne’e.

Ami fiar katak Komité Altu Nível bá Tranzisaun presiza iha reprezentasaun ida ne’ebé boot, ne’ebé tenke inklui mós deputadu-sira hosi opozisaun no membru hosi grupu sosiedade sivíl, partikulármente grupu direitus umanus hanesan Asosiasaun HAK. Ho ida-ne’e mak prosesu transferénsia ne’e sei inkluzivu, responsivu liu no ultimamente lejítimu liu.

Parte Relevante hosi Relatóriu

55. Halo ona progresu iha prosesu tranzisaun. Hafoin hetan konkordánsia iha 17 Setembru atu harii mekanizmu ida ne’ebé hamutuk sai-na’in iha tranzisaun bá planeamentu no implementasaun ne’ebé grupu dinamizadora altu nível ida sei tau-matan (haree S/2010/522, pará. 66) no briefing hosi hau-nia Reprezentante Espesiál bá Konsellu Ministru iha 10 Novembru, Prezidente, iha 25 Novembru, konvoka enkontru trimesterál dahuluk hosi Komité Nível Altu bá Tranzisaun, ne’ebé Primeiru Ministru no reprezentante-sira Governu-nian atende, hamutuk ho Komandante F-FDTL no Komandante Jerál hosi polísia nasionál, nune’e mós hau-nia Reprezentante Espesiál, Vise Reprezentante Espesiál no ekipa jerénsia senior. Konkorda ona katak Komité Altu Nível ne’e sei gia prosesu no modalidade oioin hosi tranzisaun. Komité ne’e sei revee nesesidade oioin ne’ebé importante iha área hothotu hosi mandatu UNMIT-nia atu estabelese, hamutuk ho Governu no parte-involvida no parseiru relevante sira-seluk, suporta sa’ida mak sei mantein nafatin to’o UNMIT kompleta ninian mandatu, inkluindu nível pesoál no perfíl ne’ebé presiza. Komité ne’e mós sei foka atu garanti katak UNMIT-nia apóiu, ne’ebé sai hanesan nesesidade kontinuada ida depois mandatu finál hosi Misaun ne’e, tranfere iha maneira ida efetivu, no apropriadu, bá instituisaun oioin hosi Estadu, parseiru bilaterál no multilaterál,entidade oioin hosi Nasoens Unidas ne’ebé prezente iha paíz ne’e nune’e mós sosiedade sivíl.

5. UNPOL-nia papél iha futuru (Pará 23)

Iha enkontru Komité Nível Alta bá Tranzisaun iha 25 Novembru, PNTL (haree pará 23 hosi SJ-nia Relatóriu iha-kraik) hato’o jerálmente área-hirak ne’ebé nia presiza tebes tulun hosi UNPol molok transferénsia kompletu responsabilidade bá políamentu. Ami fiar katak ida-ne’e bele sai hanesan oportunidade ida bá UNPol atu estabelese relasaun ida foun, pozitivu liu ho PNTL, relasaun ida ne’ebé responde duni nesesidade ukun-rasik-an hosi PNTL. Atu harii relasaun foun ne’e, UNPol sei presiza atu hadi’ak prosesu oioin kona-bá selesaun no rekrutamentu; introduz di’ak-liu tan kursu pra-dezlokamentu, kursu oioin ne’ebé sei foka bá treinamentu, dezenvolvimentu kapasidade no kursu língua/kultura; hamutuk ho programa trainementu ne’ebé planea ho di’ak, relevante no sensível bá kultura; no polítika oioin ne’ebé koerente, fásil atu kumpriende relasionadu no dezenvolvimentu kapasidade no akompañamentu.

Molok tama bá eleisaun 2012, UNPol iha kazu balu tenke reduz ona ninian pesoál-sira, espesiálmente iha distritu-sira. Mudansa iha medida ne’e importante no nuudár reflesaun hosi mudansa iha misaun primária hosi forsa, nomeadamente hosi polísiamentu operasionál bá iha papél treinadór/konsultór.

Ezensaun bá mudansa ne’e mak Unidade Formadu Polísia (Formed Police Units – FPUs), ne’ebé presiza atu mantein nafatin bá tempu balu, tuir nesesidade polítika no situasaun seguransa.

Parte Relevante hosi Relatóriu

23. Iha enkontru Komité Nível Alta bá Tranzisaun hosi Governu no UNMIT, ne’ebé Prezidente konvoka, iha 25 Novembru, (haree parás. 55 no 56 iha-kraik), Komandante Jerál polísia nasionál hala’o aprezentasaun kona-bá planu dezenvolvimentu estratéjiku bá polísia bá tinan 2011-2012, hodi haktuir área maiór lima bá ninian dezenvolvimentu — lejislasaun, treinamentu, administrasaun, dixiplina no operasaun — nune’e mós rekomendasaun espesífika bá apóiu hosi UNMIT-nia polísia iha área ididak. Polísia UNMIT no polísia nasionál harii ona grupu traballu konjunta ida iha Setembru atu dezenvolve planu ida bá dezenvolvimentu kapasidade ho apóiu hosi UNMIT bá polísia nasionál bainhira polísia nasionál asumi hikas ninian responsabilidade primária polísiamentu-nian iha distritu hothotu no unidade oioin, agora sei foka área maiór lima ne’e. Esforsu-hirak ne’e, ne’ebé buka atu promove lideransa Timorénse, hein katak bele garanti konkordánsia mútua entre polísia nasionál no polísia UNMIT relasiona ho objetivu oioin hosi dezenvolvimentu kapasidade, modalidade oioin no konteúdu treinamentu-nian, ne’ebé sei sai krítiku bá rezultadu ida efetivu. Planu ne’e sei reflete iha troka nota, ne’ebé dadaunn ne’e sei negosia hela entre UNMIT no Governu no sei fó akordu foun ne’ebé, tuir konkordánsia mútua, sei diferénte hosi provizaun oioin ne’ebé relevante bá akordu suplementár 2006 kona-bá polísiamentu. Tuir akordu foun ne’e, transferénsia bá polísia nasionál sei marka inísiu hosi faze rekonstituisaun no tenke mosu depois sertifikasaun no rekonstituisaun no kapasidade kompleta, ne’ebé sei mosu iha faze rekonstituisaun-nia rohan.

6. Alegasaun Violasaun Direitus Umanus hosi Forsa Seguransa (Pará 33)

Fundasaun Mahein preokupa ho alegasaun violasaun direitus umanus hosi forsa seguransa ne’ebé agregadu iha Sekretáriu Jerál-nia relatóriu. Hein katak NU sei koopera ho órgaun apropriadu oioin hosi Timorénse atu atinji justisa bá hirak ne’ebé involvidu. Sá-tan, Fundasaun Mahein mós konkorda ho komentáriu hosi Sekretáriu Jerál kona-bá nesesidade atu reforsa tan prosesu dixiplináriu iha F-FDTL no PNTL-nia laran, no mós nesesidade atu reforsa tan kontrolu sivíl bá instituisaun-hirak ne’e.

Parte Relevante hosi Relatóriu

33. Durante period revizaun ida-ne’e, UNMIT simu alegasaun hosi kazu violasaun direitus umanus hamutuk 18 ne’ebé membru hosi polísia nasionál no kazu haat ne’ebé F-FDTL halo.  Nota ona implementasaun ne’ebé aumentada hosi medida dixiplina interna bá forsa seguransa, partikulármente bá polísia.  Hadi’ak mekanizmu dixiplináriu bá polísia inklui dokumentasaun ne’ebé di’ak hosi prosesu keixa, atualizasaun bá baze-de-dadus atu rejista keixa-sira, no inisiasaun atu halo investigasaun bazea bá relatóriu hosi fonte-sira seluk ne’ebé vítima, no medida oioin kona-bá enforsamentu ne’ebé hetook forte atu garanti implementasaun hosi desizaun dixiplinária oioin. Maibé, polísia, prokuradoria no tribunal neneik atu responde kazu violasaun oioin, purezemplu, seidauk iha akuzasaun ne’ebé hala’o hasoru suspeitu ida ne’ebé involve iha insidénte28 Dezembru 2009, ne’ebé rezulta ema sivíl ida mate no hakanek ida-seluk tan (haree S/2010/85, pará. 9, no S/2010/522, pará. 31). Nune’e mós, seidauk halo akuzasaun hasoru asaltu maka’as ne’ebé membru F-FDTL halo hasoru ema sivíl ida iha 27 Agostu 2010.  Ida-ne’e rezulta ema ne’e mate (S/2010/522, pará. 31). Kona-bá ofisiál polísia ida ne’ebé alegadu iha kazu tiru iha 21 NOvembru 2009 (S/2010/522, pará. 31) ne’ebé rezulta ema sivíl ida hetn kanek todan iha Díli, ofisiál ne’e, ne’ebé akuzadu ho asalta fízika ne’ebé maka’as no neglijénjia iha Dezembru 2010, hetan libertasaun hosi Tribunal Distrital Díli iha 3 Janeiru 2011 tan falta evidénsia. Iha dezenvolvimentu pozitivu ida, investigasaun bá kazu alegasaun omisídiu ida ne’ebé ofisiál polísia ida halo hasoru ema sivíl ida iha 3 Juñu 2007 iha Distritu Viqueque, ne’ebé mak uluk taka ona tan falta evidénsia, hetan orden atu loke fali hosi Gabinete Prokuradoria Jerál no dadaun ne’e Tribunal Distrital Baucau mak sei revee hela.

7. Outreach (Pará 7, 10, 11)

Fundasaun Mahein senti ksolok atu nota esforsu oioin hosi UNMIT atu hakbesik-an bá órgaun polítika no sosiedade sivíl Timorénse atu fornese suporta bá diálogu no rekonsiliasaun.  Ami hein katak UNMIT sei kontinua halo esforsu-hirak ne’e no espada tan esforsu hirak ne’e atu inklui komunikasaun hosi ofisiál senior NU ho sosiedade sivíl no atór-sira seluk iha distritu hothotu.

Parte Relevante hosi Relatóriu

7. Ha’u-nia Reprezentante Espesiál kontinua ninian esforsu hosi hakarak di’ak liu-hosi enkontru regulár ho Prezidente Ramos-Horta; Primeiru Ministru; Prezidente Parlamentu, Fernando “Lasama” de Araújo; no Fretilin-nia Sekretáriu Jerál. Nia mós kontinua konvoka enkontru ho reprezentante hosi partidu polítika hothotu, inkluindu ho sira ne’ebé la hetan reprezentasaun parlamentár, nune’e mós ho reprezententa-sira feto hosi partidu polítika. Ha’u-nia Reprezentante Espesiál-nia Vise bá Apóia Governasaun, Dezenvolvimentu no Koordenasaun Umanitária kontinua halo enkontru regulár ho Vise Primeiru Ministru hodi diskute asuntu-hirak ne’ebé relasionadu ho responsabilidade no governasaun, seguransa alimentár, programa merenda eskolár no prevensaun risku dezastre.  Ha’u-nia Reprezentante Espesiál-nia Vise bá Apóiu Setór Seguransa no Estadu Direitu kontinua halo enkontru ho Sekretáriu Estadu bá Seguransa no Sekretáriu Estadu bá Defeza atu disktu asuntu polísiamentu no asuntu oioin ne’ebé relasionadu ho setór seguransa, ho foku partikulár bá akabamentu hosi prosesu sertifikasaun bá ofisiál-sira hosi polísia nasionál, prosesu asumi hikas responsabilidade polísiamentu hosi polísia nasionál ne’ebé hala’o nafatin, no medida oioin ne’ebé nesesária atu mantein seguransa no estabilidade durante períodu krusiál iha eleisaun 2012.

10. Ha’u-nia Reprezentante Espesiál organiza diskusaun meja-kabuar ida iha 24 Novembru ho reprezentante-sira feto hosi organizasaun sosiedade sivíl, ne’ebé hetan apóiu hosi Programa Nasoens Unidas bá Dezenvolvimentu (UNDP) no Fundu Dezenvolvimentu Nasoens Unidas bá Feto (UNIFEM, dadaun hola ona parte hanesan UN-Women), nuudár parte ida atividade komemorativa oioin ne’ebé marka désimu aniversáriu hosi rezolusaun Konsellu Seguransa númeru 1325 (2000) (haree S/2010/522, pará. 11). Enkontru ne’e simu promulgasaun hosi lei kontra violénsia doméstika no asaun relasionadu tuir-mai, inkluindu asaun bá ninian implementasaun, no reafirma importánsia hosi esforsu nafatin atu reforsa direitu feto atu hetan rai no atu hasa’e tan sira-nia partisipasaun iha prosesu polítika oioin. Ha’u-nia Reprezentante Espesiál mós fó ona briefing iha enkontru atu lansa relatóriu kona-bá prosesu cross-learning hosi Irlanda/Norte Irlanda, Timór-Leste no Libéria kona-bá rezolusaun 1325 (2000) iha 25 Outobru iha Nova Iorke, kulminasaun hosi inisiativa tinan-tolu hosi rai-hirak ne’e. Iha 9 Dezembru, Parlamentu Foinsa’e, ne’ebé Sekretáriu Estadu bá Juventude no Desportu inagura iha Agostu (haree S/2010/522, pará. 11), hala’o ninian sesaun dahuluk iha Díli, momentu ida ne’ebé Prezidente Parlamentu uza mós hodi hasoru malu ho delegadu-sira hamutuk na’in 130. Inisiativa hosi Sekretáriu Estadu ne’e kontinua hetan nafatin suporta hosi Fundu Nasoens Unidas bá Labarik-sira (UNICEF).

11. Ho apóiu hosi PNUD, Ministra Solidariedade Sosiál inagura, iha Loron Direitus Umanus iha 10 Dezembru, Departamentu Harii-dame no Koezaun Sosiál, hanesan parte ida hosi Dirasaun Nasionál bá Asisténsia Sosiál.  Departamentu-nia meta mak atu reforsa kapasidade prevensaun konflitu, harii-dame no koezaun sosiál iha nível nasionál no komunidade, promove partisipasaun feto iha inisiativa oioin atu harii-dame, no aborda prosesu dezenvolvimentu oioin ne’ebé sensível bá konflitu.

Komunikadu Imprenza Se Mak iha Dereitu Liu Tuir Lei Bele Lori Kilat iha Timor-Leste?

Fundasaun Mahein, 25 Novembru 2010

Komunikadu Imprenza

Se Mak iha Dereitu Liu Tuir Lei Bele Lori Kilat iha Timor-Leste?

Istoria Timor-Leste nakonu ho torturasaun ou violensia tanba kilat nia hahalok. Golpe 1975, akontecementu 1999, 4 dezembru 2002, krizi 2006, ho 11 Febreiru 2008 kontinua nafatin sai sasin iha Timor-Leste nia istoria katak koalia konaba kilat sai problema boot.

Tuir regulamentu UNTAET/REG/2001/19, 21 Juli 2001, sita  katak antes ONU transfere poder soberanu ba Timor-Leste iha 2002, UN sosa ona pistol hamutuk 750 ba PNTL. Agora dadaun asesor legal UNMIT Andre Thorsen  iha nia aprezentasaun   power point versaun Tetun “Ema ida ne’ebe hetan lisensa bele uza kilat bainhira hala’o serbisu nudar investigador privadu ka guarda seguransa so bainhira nia hetan autorizasaun atu kaer kilat tuir lei ne’ebe vigora”. Tamba apresentasaun ne’e hakerek iha Tetun e FM konsidera Tetun ne’e Timor nia lian offisial tan ne’e saida mak hakerek iha lian ne’e nebe’e apresenta iha momentu neba los nia. Se Asesora ne’e nega, tamba sa maka presentasaun power point ne’e hakerek iha Tetun i mos uza bandeira nasional?

FM rezeita tebes ba steitmentu asesor UNMIT, publikasaun media Timor Post edisaun Kinta, (25/11) ne’ebe nega katak la koalia guarda siguransa privadu bele kaer kilat, ne’e hanesan lifuan ne’ebe lalos tanba iha aprezentasaun liu husi Power Point versaun Tetun “Second Roundtable Discussion on Private Security Council” semana kotuk iha ETDA-Komoro-Dili hatudu momos katak peritus UNMIT ne’e sujere ba governu atu kria lei hodi regula kompania seguransa sivil atu uza kilat no armas

Tuir Konstituisaun RDTL, artigu  146  alinea 1 to’o 3  no artigu 147 alinea 1 to’o 3 la koalia konaba ema sivil atu uza kilat ka armas, maibe ba instituisaun F-FDTL no PNTL deit mak bele uza kilat atu fo garantia soberania nasaun foun ida ne’e. Nune’e mos Lei Defeza Nasional iha artigu 4 alinea 1 ne’ebe  dehan katak  kompetensia militar ba Defeza Nasional sei kaer kilat, ho eskluzivu, husi F-FDTL, mak garante defeza militar ba RDTL, tuir no termus sira husi artigu 146, konsituisaun nian, maibe tau bandu ba asosiasaun armada sira no asosiasaun sira ho tipu militar, militarizada ka paramilitar

Ho ida ne’e, Fundasaun Mahein ne’ebe durante hala’o monitorizasaun no Peskiza ba seitor siguransa no defeza iha timor leste kondena maka’as proposta ka hanoin husi peritus UNMIT ne’ebe sujere ba governu no estadu Timor-Leste atu ema sivil uza kilat no armas.

Fundasaun Mahein mos fo nia posizaun konkorda ba steitmentu ne’ebe mai husi Prezidenti da Republika, Jose  Ramos Horta, Primeiru Ministru,  Xanana Gusmão inklui Segundu Komandante F-FDTL, Brigadeiru Jeneral Lere Anan Timor , Sekertairu Estadu Defeza, Julio Tomas Pinto ne’ebe la konkorda ho hanoin ka proposta husi peritus UNMIT nian.  FM kontente ho steimentu husi lideransa sira ne’e no FM  propoin ba governu atu kontinua halo debate publiku konaba asuntu kilat e husu governu atu hasai kilat boot  hanesan (riffle) husi PNTL no uza deit pistoal, e kilat boot sira ne’e tenki F-FDTL maka uza, I guarda siguransa privadu labele uza kilat.

FM rekomenda ba Guvernu Timor-Leste atu kria mekanismu dia ba institusaun F-FDTL ho PNTL atu manaija kilat ho diak hodi labele uza sala hodi viola lei ho ordem iha Timor-Leste.

Nélson Belo

Direktor Fundasaun Mahein

Web: www.fundasaunmahein.wordpress.com

Email: direktor.mahein[at]gmail.com

Tlp:  +670 737 4222

Fundasaun Mahein, 25 November 2010

Press Release

Who Has the Right According to the Law of to carry Weapons in Timor Leste?

The history of Timor-Leste has been full of torture and violence because of weapons. Incidents such as in 1975 decolonization, 1999 referendum, 4 December 2002, 2006 crisis, and the 11 February 2008 attacks are evidence of events in Timor-Leste’s history where weapons caused big problems in this country.

According to regulation UNTAET/REG/2001/19, passed on 21 July 2001, before the UN transferred sovereignty power to Timor-Leste in 2002, the UN bought 750 pistols all together for PNTL. Recently the second “Roundtable Discussion on Private Security Companies” was held at ETDA in Comoro.  One of the presenters was a legal advisor for the UN Security Sector Unit.  According to the Tetun version of UN legal advisor Andre S. Thorsen’s PowerPoint presentation, “An individual who has license may use weapon when carries out work as private investigator or security guard when he/she gets authorization to carry weapon according to the law that is in effect”. As this presentation was written in Tetun, and the fact that FM considers Tetun as the official language of Timor, then what was written in Tetun, and presented at the discussion is considered to be an accurate representation of Mr. Thorsen’s words. If that advisor denies that these words were presented, then why was the PowerPoint presentation written in Tetun and why was the national flag used as the background?

FM rejects the accuracy of the statement by the UN adviser, in Timor Post’s Thursday (25/11) edition, where he denies that his presentation mentioned private security guards carrying weapons. His words are incorrect because his Tetun version PowerPoint presentation clearly showed that the UN apparatus suggested the government create a law allowing private security guards to use weapons and guns.

According to the Constitution of RDTL, Article 146 lines 1 through 3, and Article 147 lines 1 through 3, civilians are not allowed to use weapons or guns. Only the institutions of F-FDTL and PNTL are able to use weapons in order to guarantee the sovereignty of this new country. Similarly, the National Defense Law in the Article 4 line 2 that says it is the military’s competency for the National Defense to carry weapons, so that F-FDTL can provide military defense to RDTL, in accordance with the terms of Article 146 of the Constitution.  This article also prohibits any paramilitary associations or any other groups to be armed with guns.

Fundasaun Mahein’s monitoring and research regarding security and defense sector issues in Timor-Leste, strongly condemns the proposal or suggestion from the UN apparatus that the government and the state of Timor-Leste allow civilians to use weapons and arms.

Fundasaun Mahein is in agreement with statements from the President of the Republic Jose Ramos Horta, Prime Minister Xanana Gusmao, Second Commander of F-FDTL Brigadier General Lere Anan Timor, and Secretary of the State for Defense Julio Tomas Pinto, who all disagree with the idea or proposal from the UN apparatus regarding civilians and weapons. FM is very happy with the statements from the leaders and FM suggests the government continue to debate in public about the issue of weapons, and asks the government to take away heavy guns such as rifles from PNTL, and have them only use pistols. Heavy guns must be used by F-FDTL only, and private security guards cannot be allowed to use guns.

FM recommends the government create an effective mechanism for managing the weapons of the institutions of F-FDTL and PNTL in order to prevent inappropriate use and violations of the law and order in Timor-Leste.

For more information on this issue, please contact

Nélson Belo

Director of Fundasaun Mahein

Web: www.fundasaunmahein.wordpress.com

Email: direktor.mahein[at]gmail.com

tlp :  +670 737 4222

Entrega Hikas Responsabilidade ba Polísia Timor-Leste Nian

Asia Report N°180 / Crisis Group

3 December 2009

This executive summary and recommendations is also available in English, Portuguese and Indonesian.

SUMÁRIU EZEKUTIVU NO REKOMENDASAUN SIRA

Nasoens Unidas tenke entrega lalais kedas kontrolu formál ba iha polísia Timor-Leste. Prosesu prolongadu ida ne’ebé hahú iha fulan Maiu lori ona aproximasaun birokrátiku ida atu avalia kona-bá karik sira prontu ona atu toma konta, maibé realidade hatudu katak polísia Timor-Leste nian funsiona kleur ona iha sira nia komandu nia okos rasik. Hodi laiha akordu ida ba planu ruma hodi halo reforma ba nasaun ne’e nia polísia depois de krize iha tinan 2006 nian, ONU no governu sai ona nu’udár ekipa ida ne’ebé fraku ba iha dezenvolvimentu institusionál nian. Prosesu transferénsia ida ne’ebé lori tempu kleur liu bele estraga liután relasaun entre misaun polísia ONU nian ne’ebé boot liu terseiru iha mundu ho governu Timor-Leste, ne’ebé rekuza ona atu atua hanesan parseiru másimu ida hodi implementa reforma sira. ONU iha knaar kontinuadu ida ne’ebé atu hala’o hodi fornese prezensa konsultivu ida hodi fó apoiu ba polísia nia operasaun sira. Atu ida-ne’e bele la’o, governu tenke involve hamutuk ho misaun ONU nian no hetan akordu kona-bá forma husi parseria ida-ne’e. Atu hetan susesu ba mandatu foun ruma, sira presiza uza fulan balu ne’ebé sei restu hela molok ida atuál ne’e to’o iha nia rohan iha fulan Fevereiru 2010 hodi dezenvolve estrutura serbisu nian ida ne’ebé detalladu ba kooperasaun iha aban-bainrua nian ba polísia ne’ebé iha komandu lokál nia okos.

Timor-Leste sei presiza nafatin ONU no hakiduk pasu ida ba kotuk ne’e lahanesan ho sai sedu. Iha apoiu polítiku doméstika nian hodi halo kontinuasaun ida maski kontinjente polísia nian reduzidu, pelumenus to’o iha eleisaun nasionál sira ne’ebé planeadu ba tinan 2012. Kolokasaun internasionál nian ida ne’ebé konsiderável labele ona atu husik hodi funsiona maibé laiha konsensu ida ne’ebé klaru iha liman kona-bá tarefa ne’e. Mandatu foun ruma tenke limitadu, espesífiku no iha akordu. ONU bele fornese unidade sira ne’ebé subskreve seguransa no fó apoiu ba polísia Timor-Leste nian iha área sira tékniku nian hanesan investigasaun, akuzasaun (prosesu) no treinamentu. Hirak-ne’e sei identifikadu di’akliu hotu liuhusi revizaun independente ida ne’ebé komprensivu kona-bá kapasidade polísia nian, no kombinadu ho kontribuisaun bilaterál prinsipál sira, inklui husi Austrália no Portugál. Nu’udár ekivalente, Timor-Leste tenke rekoñese nesesidade atu hadi’a mekanizmu sira ba eskrutíniu no mós akuntabilidade nian. ONU no nia ajénsia sira tenke kontinua atu ajuda harii estrutura hirak-ne’e no iha meiu tempu ne’e halo monitorizasaun ba direitus umanus.

ONU foti ona aproximasaun teknokrátiku ida ba iha tarefa reforma polísia nian ida ne’ebé iha forma polítiku ne’ebé aas. Enviadu atu restaura orden depois de rebeliaun ida iha tinan 2006, polísia ONU nian ajuda ona hodi reforsa estabilidade iha rai-laran maibé monu uitoan bainhira sira koko atu reforma instituisaun ka hadi’a eskrutíniu. Sira lá’os estabelesidu atu promove mudansa sira prazu naruk nian sira hanesan ne’e no nunka hetan instrumentu sira atu halo nune’e. Polísia Timor-Leste nian nakfahe no mal-administradu, iha másimu, misaun ONU nian tau-sala ninia énfaze hodi fornese ofisiál fardadu atuis-ba-atus ba iha estasaun lokál sira iha rai-laran tomak. Nia haluha tiha knaar ne’ebé lideransa sivíl sira hala’o durante krize iha tinan 2006 nian no mós nesesidade atu restaura ministériu ne’ebé tau-matan ba polísia nu’udár parte husi solusaun ida ne’ebé dura. Mal-kolokasaun pesoál ba iha serbisu sira, rotasaun sira ne’ebé badak no mós falta iha familiaridade ho kondisaun lokál nian no mós língua sira limita tiha abilidade polísia internasionál nian sira atu sai nu’udár mestre no mós mentór sira ne’ebé di’ak. Laiha podér atu halo despedimentu ka fó kastigu ba ofisiál sira, misaun ne’e labele hadi’ak akuntabilidade. Governu rekuza atu aprova lei sira ne’ebé fó apoiu ba ONU nia knaar, haruka tun mensajen dezafiadór ida kona-bá laiha-kooperasaun nian liuhusi diviza polísia nian sira.

Ho auzénsia husi estratejia konjunta ida, reforma estruturál nian sai limitadu. Governu nomeia komandante ida ne’ebé lá’os husi diviza sira polísia nian, ne’ebé enfrakesa esforsu sira atu profesionaliza servisu ne’e. Nia promove ona modelu paramilitár ida ba polísia nian, ne’ebé redúz liña sira entre militár no mós polísia. Atensaun inklinadu ba iha unidade espesiál sira ne’ebé armadu ho di’ak sei la hadi’ak asesu ba justisa, no ambiguidade mak nia kria perigu hodi kuda fini sira ba konflitu ho forsas armadas (ezérsitu) iha tempu aban-bainrua nian. Líder Timor-Leste nian sira hatene di’akliu duké ema ruma husi rai-liur kona-bá konsekuénsia fatál sira husi fallansu institusionál nian. Atu evita ida-ne’e, Primeiru Ministru Xanana Gusmão, asua’in independénsia nian ida, agora lidera ministériu konjunta ida ba defeza no seguransa nian. Solusaun polítika nian sira ne’ebé lalais bazeia ba personalidade sira bele halo polísia no forsas armada haketak malu iha prazu badak nia laran, maibé sira aumenta uitoan ba iha solusaun sira ne’ebé dura liu iha ne’ebé mak respeita ba estadu de direitu nian bele fornese.

Ba komunidade internasionál nian, luta kona-bá komandu polísia nian entre ONU ho nia estadu membru nian ida-ne’e kontein lisaun barak. Redusaun ne’ebé neineik ba númeru elementu polísia ONU nian iha Timor-Leste sei la sai hanesan estratejia sai-fatin (saída) ne’ebé prudente. Misaun ne’e seidauk hetan susesu ida no mós fallansu ida. Labele atu forma konsensu kona-bá estratejia dezenvolvimentu polísia nian ida ba prazu naruk nian, nia husik hela instituisaun nasionál polísia nian ida ne’ebé fraku. Misaun ne’e nia eransa ne’ebé dura liu bele hetan iha ninia lisaun sira ne’ebé mak nia bele hanorin ba Konsellu Seguransa atu labele habelar liu-resik ninia mandatu sira. ONU tenke hanoin didi’ak kona-bá atu hakat tama no foti kontrolu ba iha servisu polísia lokál nian ida, partikularmente, hanesan iha kazu Timor-Leste nian, bainhira iha parte boot husi ida-ne’e sei funsiona nafatin. Reforma sira ne’ebé kompleksu ba iha instituisaun sira estadu nian ne’e sei labele halo bainhira laiha konsentimentu polítika husi ema sira ne’ebé mak involvidu diretamente.

REKOMENDASAUN SIRA

Ba Governu Timor-Leste nian:

1.  Foti pasu sira hodi apoia rezolusaun rápidu, bainhira posível, ba iha kazu pendente barabarak  kona-bá sertifikasaun polísia nian, inklui aprova lejizlasaun ruma ne’ebé nesesáriu, no mós asegura katak pesoál sira ne’ebé mak iha konviksaun kriminál pendente ka iha aban-bainrua nian ne’e sei hasai tiha husi Polísia Nasionál Timor-Leste nian (PNTL).

2.  Dezenvolve  kapasidade eskrutíniu independente nian ida ne’ebé forte ba polísia, karik liuhusi halo revizaun ba funsaun disiplinár internu sira polísia nian hodi halo ninia operasaun sira kompletamente transparent no públiku ka, se karik nesesáriu, dezenvolve orgaun provedoria ketak ida polísia.

3.  Implementa estrutura diviza foun polísia nian ne’ebé propoin hodi hadi’ak profisionalizmu no hamenus poténsia ba manipulasaun polítika ba iha servisu polísia nian.

4.  Evita militarizasaun polísia nian no demarka klaramente iha lei no mós polítika nia laran kona-bá polísia no forsas armada (ezérsitu) nia knaar nune’e mós kondisaun no prosedimentu sira ne’ebé mak militár sira bele fó tulun ba autoridade sivíl sira iha seguransa internu ka iha situasaun sira seluk.

Ba Misaun Integradu Nasoens Unidas nian iha Timor-Leste (UNMIT) no mós Governu Timor-Leste nian:

5.  Asegura katak responsibilidade ezekutivu sira polísia nian ne’e entrega lalais kedas ba iha polisia Timor-Leste nian, hodi esplika klaramente pasu sira hodi entrega autoridade formal ba iha PNTL, mantein prezensa konsultivu no apoiu limitadu ida ba polísia ONU nian iha área operasionál sira ne’ebé governu identifika ona katak prioridade.

6.  Orienta hikas mandatu sira ba misaun sira iha aban-bainrua nian hodi mantein prezensa konsultivu limitadu ida ba polísia ONU nian iha área sira ne’ebé governu identifika ona katak prioridade no mós reforsa antes seguransa molok ba eleisaun sira iha tinan 2012, no klarifika kondisaun sira ne’ebé nesesáriu molok halo retira totál ba iha kontinjente polísia internasionál nian iha aban-bainrua.

7.  Foka misaun aban-bainrua nian, esforsu bilaterál sira no mós governu nia programa sira hodi rezolve nesesidade formasaun nian, falta iha ekipamentu nian, no rezolve prosesu administrativu ezistente sira ne’ebé identifika ona iha avaliasaun konjunta sira husi nível nasionál ba to’o iha sub-distritu nian.

8.  Komete revizaun ida ne’ebé kompletamente independente kona-bá kapasidade polisia nian iha Timor-Leste ne’ebé sei dezempeña molok halo retira finál ba kontinjente polísia ONU nian.

Ba Konsellu Seguransa ONU nian:

9.  Estabelese meta sira ne’ebé realístiku ba iha estensaun mandatu ba UNMIT nian iha aban-bainrua  no mós rekoñese kapasidade limitadu husi polísia ONU nian atu hala’o knaar dezenvolvimentu ezistente ho sira nia omólogu sira iha Timor-Leste.

Ba Doadór Bilaterál sira, inklui Austrália no Portugál:

10.  Apoia revizaun independente ida ba iha kapasidade polísia nian ne’ebé estabelese espesialmente husi Governu Timor-Leste no mós UNMIT, no komete atu halo ligasaun entre esforsu dezenvovimentu sira aban-bainrua nian ho nesesidade sira ne’ebé identifika ona iha revizaun nia laran tuir estrutura serbisu komún ida.

11.  Insiste ba estratejia kapasitasaun prazu nian ida ne’ebé ho konsentrasaun atu harii valór sira institusionál nian kona-bá estadu de direitu, profisionalizmu no direitus umanus.

Ba ONU nia Repartisaun ba Operasaun Manutensaun Pás nian (UN Department of Peacekeeping Operations):

12.  Halo ezersísiu kompletu ida husi lisaun sira ne’ebé aprende kona-bá UNMIT nia mandatu ezekutivu polísia nian, knaar dezenvolvimentu polísia ONU nian, no mós revizaun sektór seguransa nian ne’ebé la kompletu hodi bele informa misaun sira iha aban-bainrua nian.

Dili/Bruxelas, 3 Dezembru 2009

TEMPO SEMANAL: Crisis Group Slams UNMIT and UNPOL performance in Timor-Leste

TEMPO SEMANAL: Crisis Group Slams UNMIT and UNPOL performance in Timor-Leste.

The UN and SSR in Timor-Leste September 2009 University of York MA

The United Nations and Security Sector
Reform: Lessons from the Field
Michael Gillespie
Master of Arts Post War Recovery Studies
University of York
Post War Reconstruction and Development Unit
September 2009

Abstract

Security Sector Reform has the potential to enable the emergence of a sustainable peace and move a post conflict state into long term development, the UN has a unique position in post conflict environments but has yet to formulate a comprehensive approach to SSR. This paper seeks to analyse the security sector reform activities that the current UN peacekeeping mission in Timor-Leste is engaging in with a view to making recommendations for the future development of a comprehensive UN approach to SSR. The paper explores the debate around SSR as well as tracing the UN’s previous engagements with the security sector. This will provide the context to use Timor-Leste as a case study in order to assess the strengths and weaknesses of the UN’s role in SSR there. It will be argued that the UN mission has been constrained by a lack of prioritisation of SSR, a poor understanding of SSR theory within the UN family and mission leadership as well as the legacy of the UN’s past mistakes. It is clear that these mistakes have the potential to be repeated in future missions and so it is vital that the lessons from the mission be learned and changes put into effect.

To download click below, atu download click iha kraik.

UN and SSR Lessons from the Field, Timor-Leste.pdf

Aranju kona-ba restaurasaun no manutensaun seguransa públika iha Timor-Leste no kona-ba asisté nsia ba reforma, re-estruturasaun no rekonstrusaun Polisia Nasionál Timor-Leste nian (PNTL) -Supplemental arrangement – PT and Tetum versions

SPA – PT.doc

SPA – TE.pdf